ملک میں تاحال بارش کا کوئی امکان نہیں، محکمہ موسمیات

اسلام آباد (ڈیلی پاکستان آن لائن) محکمہ موسمیات کا کہنا ہے کہ آئندہ 24 گھنٹوں کےد وران ملک میں بارش کا کوئی امکان موجود نہیں ہے۔ 

موسم کا حال بتانے والوں کا کہنا ہے کہ آئندہ روز اسلام آباد اور گردونواح میں موسم خشک رہنے کی توقع ہے ،خیبرپختونخواکے بیشتر اضلاع میں موسم خشک جبکہ پہاڑی علاقوں میں صبح اوررات کےاوقات میں سرد رہنے کا امکان ہے ،پنجاب کے بیشتر اضلاع میں موسم خشک رہنے کا امکان ہے ، تا ہم صبح اوررات کےاوقات میں سیالکوٹ، نارووال ، گوجرانوالہ ،لاہور، شیخوپورہ،قصور،اوکاڑہ ، ساہیوال ،فیصل آباد،سرگودھا،جھنگ ،بہاولپور ،ملتان ، رحیم یار خان،ڈی جی خان اور گردونواح میں سموگ اور ہلکی دُ ھند چھائے رہنے کی توقع ہے ۔ بلوچستان کی بات کریں تو بیشتر اضلاع میں موسم خشک جبکہ شمالی اضلاع میں صبح  اور رات کےاوقات میں سرد رہنے کا امکان ہے ،سندھ کے بیشتر اضلاع میں موسم گرم اور خشک رہنے کی توقع کی جا رہی ہے ،کشمیر اور گلگت بلتستان میں موسم خشک اور سرد رہنے کا امکان ہے ،تاہم شام/رات میں مطلع جزوی ابر آلود رہنے کی توقع ہے ۔