برطانیہ: جنسی زیادتی کے شبہ میں لیبر رکن پارلیمنٹ گرفتار

لندن (ڈیلی پاکستان آن لائن )برطانیہ کے لیبر رکن پارلیمنٹ ڈین نوریس کو زیادتی اور کمسن سے جنسی جرم کے شبہ میں گرفتار کرلیا گیا۔
نجی ٹی وی جیونیوز نے غیر ملکی خبر ایجنسی کے حوالے سے بتایا کہ پولیس نے زیادتی اور کمسن سے جنسی جرم کے شبہ میں ڈین نوریس کو گھرپر چھاپہ مار کر گرفتار کیا۔
پولیس کے مطابق ڈین نوریس کے گھر پر چھاپے کے دوران بعض اشیاءبھی تحویل میں لی گئی ہیں جبکہ پارٹی کی جانب سے انہیں معطل بھی کر دیا گیا ہے۔
ترجمان لیبرپارٹی کا اس حوالے سے کہنا ہے کہ پولیس کی تحقیقات جاری ہیں، اس پر مزید بات نہیں کر سکتے۔
ڈین نورس ٹیچر اور چائلڈپروٹیکشن افسر بھی رہے ہیں، ان کےخلاف دسمبر 2024 میں شکایت ملی تھی اور زیادہ تر واقعات سن 2020 کے عشرے میں ہوئے۔
خیال رہے کہ 65 سال کے ڈین نورس 2024 میں نارتھ ایسٹ سمرسیٹ سے ایم پی منتخب ہوئے تھے، ڈین نورس نے ہائی پروفائل کنزرویٹوایم پی جیکب ریس موگ کو شکست دی تھی، ڈین نورس گورڈن براو¿ن کی کابینہ میں بھی جونیئر وزیر رہ چکے ہیں۔