کوئٹہ گلیڈی ایٹرز نے کراچی کنگز کو فتح کیلئے آسان ہدف دے دیا
راولپنڈی (ڈیلی پاکستان آن لائن) پاکستان سپر لیگ سیزن 9 کے 22 ویں میچ میں کوئٹہ گلیڈی ایٹرز نے کراچی کنگز کو 119رنز کا ہدف دے دیا۔
تفصیلات کے مطابق کراچی کنگز نے ٹاس جیت کر کوئٹہ گلیڈی ایٹرز کو بیٹنگ کی دعوت دی، میچ شروع ہوا تو گلیڈی ایٹرز اوپنرز جیسن رائے اور سعود شکیل کریز پر آئے اور دوسرے اوورز کے اختتام تک 20 رنز بنائے۔ تیسرے اوور کے آغاز پر مزارابانی کی گیند پر حسن علی نے جیسن کا کیچ پکڑا اور انہیں پویلین بھجوا دیا، ان کے بعد خواجہ نافع نے سعود شکیل کیساتھ شراکت داری جاری رکھی جنہوں نے 17رنز بنا ئے، سعود شکیل 33، ریلی روسو 10 رنز بنا کر کیچ آؤٹ ہوئے۔سرفراز احمد 7 رنز بنا سکے اور رن آؤٹ ہو گئے، ردرفورڈ 9، عقیل حسین 14، محمد عامر 2، محمد حسنین 5، جبکہ ابرار احمد اور عثمان طارق محض ایک ، ایک رنز بنا کر پویلین لوٹ گئے۔ یوں ساری کوئٹہ گلیڈی ایٹرز کی ٹیم 118 رنز کا مجموعہ جوڑ سکی۔
دوسری جانب کنگز باؤلر حسن علی نے 5، مزارابانی اور زاہد محمود نے 2 ، 2 جبکہ میر حمزہ نے ایک وکٹ لی۔
