ڈونلڈ بلوم کی بلاول بھٹو سے ملاقات
اسلام آباد(ڈیلی پاکستان آن لائن) سبکدوش ہونیوالےامریکی سفیر ڈونلڈ بلوم نے پاکستان پیپلز پارٹی کے چیئرمین بلاول بھٹو زرداری سے زرداری ہاؤس اسلام آباد میں ملاقات کی۔چیئرمین بلاول بھٹو زرداری نے امریکی سفیر ڈونلڈ بلوم کی سفارتی خدمات کو سراہا۔
چیئرمین پی پی پی نے سبکدوش ہونیوالے امریکی سفیر سے ملاقات میں گفتگو کے دوران امریکہ اور پاکستان کے تعلقات کو مزید مستحکم کرنے کی خواہش کا اظہار کیا۔چیئرمین بلاول بھٹو زرداری نے دونوں ممالک کے درمیان تعاون کی اہمیت کو تسلیم کیا اور مستقل تعاون کی ضرورت پر زور دیا۔ ملاقات کے دوران دونوں رہنماؤں نے پاکستان اور امریکہ کے درمیان باہمی تعاون کو فروغ دینے اور مضبوط شراکت داری قائم کرنے کے طریقوں پر تبادلۂ خیال کیا۔
