پاکستان اسٹاک ایکسچینج میں کاروباری ہفتے میں مثبت رجحان رہا ، رپورٹ 

      کراچی (آئی این پی )پاکستان اسٹاک ایکسچینج کی ہفتہ وار رپورٹ جاری کر دی گئی ہے، جس کے مطابق پاکستان اسٹاک ایکسچینج میں کاروباری ہفتے میں مثبت رجحان رہا۔جاری  رپورٹ کے مطابق ایک ہفتے میں  100 انڈیکس  میں 7696 پوائنٹس کا اضافہ ہوا، ایک ہفتے میں 100 انڈیکس  بڑے اضافے سے  109053 پر بند ہوا۔رپورٹ میں بتایا گیا کہ 100 انڈیکس کی ہفتہ وار بلند ترین سطح 109478، جبکہ ہفتہ وار کم ترین سطح 101921 رہی۔رپورٹ کے مطابق بازار میں ایک ہفتے میں 8.41 ارب حصص کے سودے ہوئے، شیئرز بازار کے ہفتہ وار کاروبار کی مالیت 274 ارب روپے رہی، جبکہ مارکیٹ کیپٹلائزیشن ایک ہفتے میں 970ارب روپے بڑھ کر 13855 ارب روپے ہے۔