3900 خالی اسامیوں پر بھرتی کا عمل مکمل، سفارشات محکمہ صحت کو ارسال

لاہور ( ڈیلی پاکستان آن لائن )پنجاب پبلک سروس کمیشن نے محکمہ صحت کی تین ہزار نوسو(3900) خالی اسامیوں کے بھرتی کے عمل کو مکمل کر کے سفارشات محکمہ صحت کے دونوں سیکرٹریز کو ارسال کر دیں۔ 

تفصیلات کے مطابق محکمہ پرائمری ا ینڈ  سیکنڈری ہیلتھ میں 900میڈیکل آفیسرز کی خالی اسامیوں میں 876 کامیاب میڈیکل آفیسرز کی سفارشات متعلقہ سیکرٹری کو ارسال کر دی ہیں۔ جبکہ محکمہ سپیشلائزڈ ہیلتھ کیئر میں3 ہزار چارج نرسز کی خالی اسامیوں میں 2914چارج نرسز کی خالی اسامیوں کے بھرتی کے عمل کو مکمل کر کے متعلقہ سیکرٹری کو سفارشات ارسال کر دی گئی ہیں۔

یاد رہے کہ 900میڈیکل آفیسرز کے لیے 12475اور  چارج نرسز کے لیے  5925اُمیدواروں نے اپلائی کیا تھا۔