پہلی بار انٹرنیشنل پاور لفٹنگ مقابلے میں 3 بہنیں پاکستان کی نمائندگی کریں گی،جنوبی افریقہ روانہ

لاہور(ڈیلی پاکستان آن لائن) پہلی بار انٹرنیشنل پاور لفٹنگ مقابلے میں 3 بہنیں پاکستان کی نمائندگی کریں گی۔
3 بہنیں پہلی بار انٹرنیشنل پاور لفٹنگ مقابلے میں ایک ساتھ شریک ہوں گی جوکہ ایک ریکارڈ ہے۔3 پاور لفٹر بہنیں سیبل سہیل، ویرونیکا سہیل اور ٹوئنکل سہیل ایشیئن پیسیفک افریقن کمبائنڈ پاور لفٹنگ چیمپئن شپ میں شرکت کیلئے جنوبی افریقہ روانہ ہوگئیں۔ایونٹ میں تینوں بہنوں کے ویٹ کیٹیگری کے مقابلے 9 اور 10 جولائی کو شیڈول ہیں جبکہ تینوں بہنیں 13 جولائی کو ایکوئپڈ پاور لفٹنگ میں حصہ لیں گی۔بین الاقوامی مقابلے میں شرکت کے ریکارڈ کے ساتھ تینوں بہنیں میڈلز لے کر عالمی ریکارڈ قائم کریں گی جس کے لئے تینوں نے بھرپور محنت کی ہے۔