سینچری کے باوجود سابق کیوی کرکٹر نے بابر اعظم کو تنقید کا نشانہ بنا ڈالا
راولپنڈی(ڈیلی پاکستان آن لائن)نیوزی لینڈ کے سابق کرکٹر اور کمنٹیٹر سائمن ڈول نے ایک بار پھر پشاور زلمی کے کپتان بابراعظم پر تنقید کے نشتر چلادیئے۔
گزشتہ روز راولپنڈی میں کھیلے گئے میچ میں کوئٹہ گلیڈی ایٹرز کے خلاف اپنی پہلی سینچری بنانے والے پشاور زلمی کے کپتان بابراعظم کی اننگز پر ناراضی کا اظہار کرتے ہوئے سوال کیا کہ کیا بابر ذاتی سنگ میل کے لیے سست ہو گئے تھے؟
میچ کی کمنٹری کے دوران سائمن ڈول نے اپنے ذاتی سنگ میل کو ٹیم سے اوپر رکھنے پر بابراعظم کو تنقید کا نشانہ بنایا اور کہا کہ انہیں سینچری کے وقت رن ریٹ کو کم کرنے کے بجائے باؤنڈریز تلاش کرنے پر توجہ دینی چاہیے تھی۔ بابراعظم کی اننگز اعداد و شمار کے لحاظ ہے بہترین ہے لیکن انہیں ٹیم کیلئے کھیلنے کی ضرورت ہے۔قبل ازیں سائمن ڈول بھی پشاور زلمی کے کپتان بابراعظم پر پہلے بھی تنقید کرچکے ہیں۔
