نورا فتیحی نے لاس اینجلس میں خوفناک آگ میں کیسے اپنی جان بچائی؟ 

ممبئی (ویب ڈیسک) لاس اینجلس میں جنگلاتی آگ نے شہریوں کو پریشان کر دیا ہے، جہاں متعدد افراد کو اپنے گھروں سے انخلاء کرنا پڑ رہا ہے۔ مشہور بالی ووڈ اداکارہ اور ڈانسر نورا فتیحی بھی ان متاثرین میں شامل ہیں۔ 

بھارتی میڈیا کے مطابق انہوں نے انسٹاگرام پر اپنی صورتحال شیئر کرتے ہوئے بتایا کہ انہیں فوری طور پر اپنے مقام سے نکلنے کا کہا گیا ہے۔نورا فتیحی نے اپنی انسٹاگرام سٹوری پر ایک ویڈیو شیئر کی، جس میں انہوں نے کہا: "میں لاس اینجلس میں ہوں اور یہ جنگلاتی آگ واقعی پاگل پن ہے۔ میں نے پہلے کبھی ایسی چیز نہیں دیکھی۔ ہمیں5منٹ پہلے انخلا ءکا حکم ملا۔ میں نے جلدی سے اپنا سامان پیک کیا اور یہاں سے نکل رہی ہوں۔میں ایئرپورٹ کے قریب جا رہی ہوں کیونکہ میری آج فلائٹ ہے اور مجھے امید ہے کہ یہ کینسل نہ ہو۔ یہ صورتحال بہت ڈراؤنی ہے۔ میں دعا کرتی ہوں کہ سب محفوظ رہیں۔"

نورا نے ایک اور کہانی میں موجودہ صورتحال کی جھلک بھی پیش کی اور لکھا:"لاس اینجلس کی آگ بہت خطرناک ہے. دعا ہے کہ سب محفوظ رہیں۔"

اس سے پہلے، بالی ووڈ اداکارہ پریانکا چوپڑا نے بھی جنگلاتی آگ کے متاثرین کے لیے اپنی تشویش ظاہر کی اور فائرفائٹرز اور ریسپانڈرز کو خراج تحسین پیش کیا۔ انہوں نے کہا:"رات بھر محنت کرنے والے فائرفائٹرز کا شکریہ، آپ کی خدمات قابل تعریف ہیں۔"