ڈائریکٹر جنرل سپورٹس پنجاب خضر افضال چودھری سے کامن ویلتھ گیمز کے چمپئن نوح دستگیر بٹ کی نیشنل ہاکی سٹیڈیم میں ملاقات

لاہور(ڈیلی پاکستان آن لائن) ڈائریکٹر جنرل سپورٹس پنجاب  خضر افضال چودھری سے کامن ویلتھ گیمز کے چیمپئن نوح دستگیر بٹ نے نیشنل ہاکی سٹیڈیم میں ملاقات کی ہے اس موقع پر نوح دستگیر بٹ کے والد دستگیر بٹ اورڈائریکٹر  ایڈمن محمد کلیم بھی موجود تھے۔
            ڈی جی سپورٹس پنجاب خضر افضال چودھری نے اس موقع پر کہا ہے کہ نوح دستگیر بٹ نے کامن ویلتھ پاور لفٹنگ چیمپئن شپ میں گولڈ میڈلز جیت کر ملک کا نام روشن کیا ہے نوح دستگیر بٹ پاکستان کا ہیرو ہے،سپورٹس بورڈ پنجاب نوح دستگیر بٹ کی ہر ممکن مدد کرے گا۔گوجرانوالہ میں روایتی کھیلوں کے حوالے سے سپورٹس ایرینا بھی تعمیر کرنے جا رہے ہیں سپورٹس بورڈ پنجاب قومی ہیروز کی پذیرائی کرتا رہے گا۔
           ڈی جی سپورٹس پنجاب خضر افضال چودھری نے مزید کہا ہے کہ نوح دستگیر بٹ اگلے ماہ ہونیوالی ایشین پاور لفٹنگ چیمپئن شپ میں  شرکت کرنے جا رہے ہیں امیدہے چیمپئن شپ  میں گولڈ میڈل جیتیں گئے۔نوح دستگیر بٹ نے اس موقع پر کہا ہے کہ صوبائی وزیر کھیل پنجاب فیصل ایوب کھوکھر اور ڈی جی سپورٹس پنجاب خضر اٖفضال کا شکریہ ادا کرتا ہوں، اگلے ما ہ دسمبر میں ایشین پاور لفٹنگ چیمپئن شپ اور پھر اگلے سال جرمنی اورچین میں ورلڈ چیمپئن شپ میں حصہ لوں گااورایشیاء کاسب سے زیادہ وزن اٹھانے کا ریکارڈ توڑنے کی کوشش کروں گا۔