سب انسپکٹر قتل کیس؛ جرم ثابت ہونے پر کانسٹیبل کو 2بار سزائے موت
گوجرانوالہ(ڈیلی پاکستان آن لائن)سب انسپکٹر قتل کیس میں جرم ثابت ہونے پر کانسٹیبل کو 2بار سزائے موت سنا دی گئی۔
نجی ٹی وی چینل ایکسپریس نیوز کے مطابق انسداد دہشتگردی عدالت گوجرانوالہ میں سب انسپکٹر محمد شفیق کے تھانے میں کانسٹیبل کے ہاتھوں قتل کی سماعت ہوئی،اے ٹی سی نے جرم ثابت ہونے پر مجرم یونس کو 2بار سزائے موت سنا دی،قتل و دہشتگردی دفعات کے تحت یونس کو دوبار سزائے موت کا حکم سنا دیا،مجرم پر 10لاکھ جرمانہ عائد کیا گیا، عدم ادائیگی پر مزید 6ماہ قید بھگتنا ہوگی۔
