جنت وچ الیکشن ہونائے ووٹ اسانوں پاناں | انور مسعود |

اِ ک خواب

ڈِٹھی میں اک حور مرے ول پیلاں پاندی آوے
اک نظر مستانی جس دی لکھ بھلیکے پاوے

ایڈی سوہنی چھیل چھبیلی جھاتی پاندے ڈریے
بدل اوہدیاں زُلفاں اگے آکھن پانی بھریے

قد اوہدا رب اپنے ہتھیں بوٹا لایا ہویاں
رنگ اوہدا جیوں میدے وچ سنور ملایا ہویا

حسن جمال تے روپ اوہدے دا کوئی نہ حد بناں
اس دیاں نازک ہتھاں دے وچ سونے دا چھناں

اوہ چھناں اس آن کے میرے ہوٹاں نال لگایا
ہابڑ ہابڑ پین لگا میں ورہیاں دا ترہایا

ٹھنڈا ٹھار پھلودا سنگھو لنگھدا جائے اگے
ددھ وراچھا میریاں وچوں سجے کھبے وگے

ددھ پھلودے چاہڑے مینوں نشے شراباں والے
اینے چِر وِچ ہور وی حوراں کھلیاں آن دوالے

اوہناں نے کجھ ہور سوغاتاں میرے لئی منگوائیاں
قِسماں قسم مربے، میوے، حلوے تے مٹھائیاں

مڑ میں ایناں وَگ تگ کھاہدا کڑتا ڈھڈ نہ کجے
پاٹن ہاکا پیٹ، ندیدین اکھ مری نہ رَجے

میری ایہو نیت سی پئی کدی نہ ایتھوں ہلیے
حوراں آکھن آو جی ہن سیر کرن نوں چلیے

اِک تھاں مینوں شہد دی اوہناں وگدی نہر وکھائی
جیوں جیوں ویکھاں ودھدی جائے اکھیاں دی رُشنائی

کاراں اَتے جہاز والے بھُل گئے سب جھوٹے
قوس قزح وچ بہا کے مینوں حوراں دِتے جھوٹے

ہر کوئی مینوں جی جی بولے آکھن راج دُلارا
میرے نال پروہنیاں ورگا اوہناں دا ورتارا

سرہیوں جیہیاں سوہنیاں ناراں دِسن ہر ہر پاسے
پتلے لک ، بسنتی چنیاں، ہوٹھاں اُپر ہاسے

میں پُچھیا  نی حورو  اڑیو! کاہنوں کھِڑ کھِڑ ہسو
میڈی ایڈی خدمت خاطر ، وِچلی گل تے دَسو

آکھن لگیاں بیبا اڑیا پردہ کاہنوں پاناں
جنت وچ الیکشن ہونائے ووٹ اسانوں پاناں

شاعر:انور مسعود

(شعری مجموعہ: "میلہ اکھیاں دا" سال اشاعت، 1974 )

Ik Khaab

Dithhi    Main    Ik    Hoor    Miray    Wall    Pailaan   Paandi    Aaway

Ik    Nazar    Mastaani    Jiss    Di    Lakh    Bhulaikhay    Paaway

Aidi    Sohni    Chhail    Chhabaili   Jhaati     Paanday  Dariay

Baddal    Ohdiaaan    Zulfaan    Aggay    Aakhan    Paani   Bhariay

Qad    Ohda     RAB    Apnay    Hatheen    Boota    Laaya    Hoya

Rang    Aohda    Jiun    Maiday    Vich     Sandoor    Milaaya    Hoya

Husn    Jamaal    Tay    Roop    Ohday    Da    Koi    Na    Hadd   Bannaan

Uss    Diyaan    Naazuk    Hathaan    Day    Vich    Sonay    Da    Ik    Chhannaan

Oh    Chhannaa    Uss    Aaan    K    Meray    Hothhaan    Naal   Lagaaya

Haabarr    Haabarr    Peen    Laga    Main    Warhiyaan    Da   Tirhaaya

Thanda    Thaar    Phalooda    Snghoon    Langda      Jaaey    Aggay

Dudh    Viraachhaan     Meriyaan   Vichoon     Sajjay    Khabbay    Waggay

Dudh    Phalooday     Chaahrray      Mainu    Nashay    Sharaabaan   Walay

Ainay    Chir    Vich    Hor    Vi    Hooraan    Khhaliyaan    Aan   Duaalay

Ohnaan    Nay    Kujh    Hor    Soghataan    Meray    Lai     Mangwayaan

Qismaan     Qisam     Murabbay  ,   Maiway  ,   Halway    Tay    Mithhaaiyaan

Murr    Main    Aina    Wagg    Tagg    Khaada    Kurrta    Dhidh   Na   Kajjay

Paattan    Haaka    Paitt   ,    Nadeedi    Akh    Miri   Na   Rajjay

Meri    Eho    Niyyat   Si    Pai    Kadi    Na    Aithun   Haliay

Hooraan    Aakhan     Aao    Ji    Hun    Sair    Karan    Nu   Chaliay

Ik    Thaan    Mainu    Ohnaan    Wagdi    Nehr    Vikhaai

Jiun    Jiun    Waikhaan    Wadhdi    Jaway    Akhiyaan    Di    Rushnaai

Kaaraan     Atay     Jahazaan    Waalay   Bhull    Gay    Sab    Jhootay 

Qaos    Qazah     Vich    Bahaa    K    Mainu    Hooraan    Dittay    Hootay

Har    Koi    Mainu   Ji    Ji     Bolay     Aakhay    Raaj    Dulaara

Mairay    Naal     Parohniyaan    Warga    Ohnaan    Da    Wartaara

Sarhiyoon     Jahiyaan    Sohniyaan    Naraan    Dissan    Har    Har    Paasay

Patlay     Lakk   ,    Basanti    Chunyaan    Hothhaan    Upper    Haasay

Main    Puchhya    Ni    Hooro    Arryo !     Kahnun    Khirr     Khirr     Hasso

Meri    Aidi    Khidmat     Khaatir    ,    Vichli    Gall    Tay   Dasso

Aakhan    Lagiaan     Beeba    Aida     Parda    Kaahnun     Paana

Jannat    Vich     Election    Hona  Ay     Vout     Asaanun     Paana

Poet: Anwar Msood