ایلون مسک کی سٹارلنک کے پاکستان میں آپریشنز کے حوالے سے اہم پیشرفت

 اسلام آباد (ڈیلی پاکستان آن لائن )سپیس ایکس اور ٹیسلا کے بانی و امریکی صدر کے مشیر ایلون مسک کی سٹارلنک انٹرنیٹ سروس کے پاکستان میں آپریشنز کے حوالے سے اہم پیشرفت ہوئی ہے۔
روز نامہ جنگ کے مطابق وزیرِ اعظم کی ہدایت پر پاکستان سپیس ایکٹیویٹی ریگولیٹری بورڈ نے سٹارلنک کو این او سی جاری کرنے کی منظوری دے دی ہے۔
سٹارلنک کو پاکستان ٹیلی کمیونیکیشن (پی ٹی اے) کی جانب سے لائسنس جاری کرنے کی راہ ہموار ہوگئی ہے۔ذرائع کے مطابق پی ٹی اے لائسنس جاری کرنے کے لئے زیادہ سے زیادہ 4 ہفتے کا وقت لے سکتا ہے، پی ٹی اے کی جانب سے سٹارلنک کو رجسٹریشن سرٹیفکیٹ جاری کیا جائے گا۔
ذرائع کا کہنا ہے کہ سٹارلنک کو لائسنس ملنے کے بعد پاکستان میں آپریٹ کرنے کے لئے کم سے کم ایک سال کا وقت درکار ہوگا، سیٹلائٹ سروس پرووائیڈر کے لئے سپیس ایکٹیویٹی ریگولیٹری بورڈ سے کلیئر کرانا لازمی شرط تھی۔