مشکائی میں شدت پسندوں کی فائرنگ ، دو فوجی جوان شہید

قلات (مانیٹرنگ ڈیسک) مشکائی میں شدت پسندوں کی فائرنگ سے دو فوجی جوان شہید ہوگئے ہیں۔ عسکری ذرائع کے مطابق پاک فوج کی ایک پارٹی پیر کو دوپہر بارہ بج کر بیس منٹ پر پکٹنگ کے لئے ایک آفیسر کر سربراہی میں مشکائی قلعے سے جا رہی تھی کہ شدت پسندوں نے اس پر حملہ کر دیا جس کے نتیجے میں دو فوجی جوان شہید ہوگئے ہیں۔ دنیا نیوز کے مطابق فورسز نے بھی شدت پسندوں کی فائرنگ کا جواب دیا ہے تاہم ان کے جانی نقصان سے متعلق تفصیلات معلوم نہیں ہو سکی ہیں۔