عدالت عظمیٗ نے اسلام آباد میں شفہ سے متعلق مقدمہ بھی آئینی بینچ کو بھجوا دیا

                                                                         اسلام آباد(آئی این پی)آئینی بینچز کو مقدمات کی منتقلی کا سلسلہ جاری ہے، سپریم کورٹ نے اسلام آباد میں شفہ سے متعلق مقدمہ بھی آئینی بینچ کو بھجوا دیا۔نامزد چیف جسٹس یحییٰ آفریدی کی سربراہی میں تین رکنی بینچ نے کیس کی سماعت کی۔جسٹس شاہد وحید نے ریمارکس دئیے اس کیس میں تو آئینی شقوں کی تشریح کرنا ہوگی، یہ مقدمہ تو اب آئینی بینچ کو منتقل ہونا چاہیے۔وکیل سلمان اسلم بٹ نے کہا میں یہ کہنا نہیں چاہتا تھا لیکن ہونا یہی چاہیے۔نامزد چیف جسٹس یحییٰ آفریدی نے ریمارکس دئیے رجسٹرار آفس کو آئینی بینچ کے حوالے سے پالیسی دیدی ہے، آفس کو ہدایت کی ہے جن مقدمات میں کوئی قانون چیلنج ہوا ہے ان کی الگ کیٹیگری بنائی جائے اور جن مقدمات میں آئین کی تشریح کی ضرورت ہوئی وہ سا تھ ساتھ منتقل کرتے رہیں گے۔واضح رہے سپریم کورٹ کے مختلف بینچز نے گزشتہ روز بھی مقدمات آئینی بینچ کو منتقل کیے تھے۔

شفہ مقدمہ