کراچی، کرسمس کی تقریب میں ہوائی فائرنگ، دو نوجوان زخمی
کراچی(اسٹاف رپورٹر)شہر قائد کے علاقے کورنگی میں کرسمس کی تقریب کے دوران ہوائی فائرنگ کے باعث دو نوجوان زخمی ہوگئے۔واقعہ جمعرات بازار کے قریب کوسٹ گارڈ چورنگی پر پیش آیا، جہاں مسیحی برادری کے پروگرام کے دوران نامعلوم سمت سے چلنے والی گولیوں نے دو افراد کو نشانہ بنایا۔چھیپا ریسکیو حکام کے مطابق زخمی نوجوانوں کو فوری طور پر جناح اسپتال منتقل کر دیا گیا۔ زخمی ہونے والوں کی شناخت 15 سالہ جیکسن ولد روبن اور اسٹیفن ولد سخاوت مسیح کے طور پر ہوئی ہے۔پولیس نے واقعے کا نوٹس لیتے ہوئے تحقیقات شروع کر دی ہیں۔ ایس ایچ او زمان ٹان رضوان قریشی کے مطابق دونوں نوجوان ہوائی فائرنگ کے نتیجے میں زخمی ہوئے۔ ان کا کہنا تھا کہ ہوائی فائرنگ کے ذمہ داروں کے خلاف کارروائی کی جا رہی ہے۔
