ڈاکوؤں سے خطرہ، گھوٹکی پولیس نے الیکشن میں فوج کی تعیناتی کے لیے اعلیٰ افسران کو خط لکھ دیا
![ڈاکوؤں سے خطرہ، گھوٹکی پولیس نے الیکشن میں فوج کی تعیناتی کے لیے اعلیٰ افسران کو خط لکھ دیا](https://dailypakistan.com.pk/digital_images/large/2024-01-26/news-1706254517-8339.jpg)
گھوٹکی (ویب ڈیسک) علاقے میں امن و امان کی مخدوش صورتحال اور ڈاکوؤں سے خطرے کے پیش نظر گھوٹکی پولیس نے الیکشن میں فوج کی تعیناتی کے لیے اعلیٰ افسران کو خط لکھ دیا۔
ایس ایس پی گھوٹکی انور کھیتران نے ڈی آئی جی کو خط لکھ کر علاقے میں امن و امان کی صورتحال سے آگاہ کیا اور الیکشن کے دوران فوج تعیناتی کی درخواست کی اور کہا کہ انتخابات میں امن و امان قائم کرنے کیلئے فوج کی تعیناتی ناگزیر ہے کیونکہ ماضی میں کیے گئےگرینڈآپریشن کے مثبت نتائج نہیں ملے، ڈاکو شہریوں کو سکھر ملتان موٹروے سے اغواء کررہے ہیں۔
"جیونیوز" کے مطابق خط میں مزید کہا گیا ہےکہ شر اور جاگیرانی گینگ ریاست کو کمزور کررہے ہیں، مزاحمت پرڈاکو شہریوں کو قتل کردیتے ہیں اور متعدد پولیس اہلکار بھی شہید ہوئے ہیں، اغواء برائے تاوان کی وارداتوں سےشہریوں میں خوف وہراس ہے۔