کرسمس کے دن برطانیہ میں چاقو کے وار سے2 خواتین ہلاک
لندن (ویب ڈیسک) برطانیہ کی کاؤنٹی بکنگھم شائر میں کرسمس کے روز چاقو کے وار سے 2 خواتین کو ہلاک کر دیا گیا۔
برطانوی میڈیا کے مطابق جمعرات کو ٹاؤن ملٹن کینز میں چاقو کے وار سے 2 خواتین جان کی بازی ہار گئیں۔
میڈیا رپورٹس کے مطابق ٹاؤن ملٹن کینز میں چاقو کے وار سے1 مرد اور 1 لڑکا شدید زخمی بھی ہوئے جنہیں طبی امداد کے لیے اسپتال منتقل کر دیا گیا ہے۔
رپورٹس کے مطابق ٹاؤن ملٹن کینز میں چاقو سے حملے کے الزام میں 49 سال کے شخص کو گرفتار بھی کر لیا گیا ہے۔
برطانوی میڈیا رپورٹس میں بتایا گیا ہے کہ چاقو کے وار سے 38 اور 24 سال کی 2خواتین موقع پر ہی دم توڑ گئیں، چاقو سے وارکے واقعہ میں 1 کتا بھی زخمی ہوا تھا جو بعد ازاں مرگیا۔
