آئی سی سی چیمپئنز ٹرافی کے ٹکٹوں کی فروخت کل سے شروع ہوگی
لاہور(ڈیلی پاکستان آن لائن)آئی سی سی چیمپئنز ٹرافی دیکھنے والے شائقین کے لیے خوش خبری یہ ہے کہ وہ اب اپنے ٹکٹ حاصل کرسکتے ہیں۔آئی سی سی چیمپئنز ٹرافی کا انعقاد پاکستان میں19 فروری سے 9مارچ تک ہوگا جبکہ انڈیا کے میچز یو اے ای میں کھیلے جائیں گے گروپ میچز اور پہلے سیمی فائنل کے ٹکٹوں کی فروخت منگل 28جنوری سے گلف اسٹینڈرڈ ٹائم دوپہر ایک بجے اور پاکستان اسٹینڈرڈ ٹائم دوپہر دو بجے شروع ہوگی۔
آئی سی سی فیملی ممبرز کو خصوصی طور پر یہ سہولت حاصل ہوگی کہ وہ پہلے یہ ٹکٹ خرید سکتےہیں جو پیر ستائس جنوری کو دوپہر ایک بجے سے شروع ہوگی۔جنرل اسٹینڈ کے ٹکٹ کے قیمت ایک ہزار پاکستانی روپے ہوگی جبکہ پریمیم سیٹس مختلف کیٹگریز میں پندرہ سو روپے سے دستیاب ہونگی جن میں کراچی لاہور اور راولپنڈی میں ہونے والے دس میچز شامل ہیں۔فزیکل ٹکٹس بھی پاکستان میں ٹی سی ایس کے منتخب ایکسپریس سینٹرز پر دستیاب ہونگے جن کا اعلان مناسب وقت پر کیا جائے گا۔دبئی میں انڈیا کے میچوں کے بارے میں معلومات جلد بتائی جائیں گی تاہم خواہشمند حضرات خود کو رجسٹر کراسکتے ہیں۔چیمپئنز ٹرافی کے فائنل کے ٹکٹس جو نو مارچ کو کھیلا جائے گادبئی میں ہونے والے پہلے سیمی فائنل کے اختتام پر دستیاب ہونگے۔
آئی سی سی کے چیف کمرشل آفیسر انوراگ داھیاکا کہنا ہے کہ ہم آفیشل ٹکٹس کی فروخت کا اعلان کرتے ہوئے خوشی محسوس کرتے ہیں۔یہ ایک یادگار موقع ہے کہ پاکستان 1996 کے بعد پہلے گلوبل ٹورنامنٹ کی میزبانی کررہا ہے۔ہمیں یقین ہے کہ آئی سی سی چیمپئنز ٹرافی میں تمام ٹیمیں بہترین کھیل پیش کریں گی۔اس ٹورنامنٹ میں دنیا کی بہترین ٹیمیں حصہ لے رہی ہیں۔ہم اپنے فینز کی حوصلہ افزائی کررہے ہیں کہ وہ اس سے محروم نہ ہوں اور اپنے ٹکٹس حاصل کرلیں۔
آئی سی سی چیمپئنز ٹرافی کے ٹورنامنٹ ڈائریکٹر سمیر احمد سید کا کہنا ہے کہ آئی سی سی چیمپئنز ٹرافی 1996 کے بعد پاکستان میں ہونے والا ایک تاریخی ایونٹ ہے اور یہ ایونٹ شائقین کو اپنے سامنے دنیا کے بہترین اسٹارز کو دیکھنے کا موقع فراہم کرتا ہے ۔جیسا کہ سب کو معلوم ہے کہ پاکستان میں اسٹیٹ آف آرٹ نئے اسٹیڈیمز اپ گریڈ کیے گئے ہیں لہذا شائقین کے لیے یہ ناقابل فراموش لمحات ہونگے کہ وہ بہترین کرکٹ سے لطف اندوز ہوسکیں گے۔اس یادگار ایونٹ کے لیے ٹکٹوں کی قیمتیں اس طرح رکھی گئی ہیں کہ وہ ہر ایک کے لئے آسانی سے وقت خرید میں ہوں اور وہ اسے افورڈ کرسکیں۔
یہ ایک بہترین موقع ہے کہ شائقین فیملی کی شکل میں آئیں والدین کے لیے اچھا موقع ہے کہ وہ اپنے بچوں کو اس کھیل سے روشناس کرائیں اور ان کی کھیل سے محبت میں اضافہ کرسکیں۔
