نوٹس واپس ہونے پر فیصل واوڈا کاسپریم کورٹ کے احاطے میں سجدہ 

اسلام آباد (ڈیلی پاکستان آن لائن )سینیٹر فیصل واوڈا نے سپریم کورٹ کے احاطے میں میڈیا ٹاک سے پہلے سجدہ کیا ۔
سینیٹر فیصل واوڈا اپنے خلاف توہینِ عدالت کا نوٹس واپس ہونے پر سجدہ شکر بجا لائے۔فیصل واوڈا سپریم کورٹ سے نکلتے ہی سپریم کورٹ کے احاطے میں سجدہ ریز ہو گئے۔فیصل واوڈا سجدہ شکر ادا کرنے کے بعد میڈیا سے بات کئے بغیر سپریم کورٹ سے روانہ ہو گئے۔واضح رہے کہ سپریم کورٹ نے آج فیصل واوڈا اور مصطفی کمال کی غیر مشروط معافی قبول کر لی ہے۔عدالتِ عظمیٰ نے فیصل واوڈا اور مصطفی کمال کے خلاف توہینِ عدالت کا نوٹس بھی واپس لے لیا ہے۔