آج کراچی میں دھرنے ختم کردیئے جائیں گے: کراچی پولیس چیف

کراچی (ڈیلی پاکستان آن لائن )کراچی پولیس چیف جاوید عالم اوڈھو نے کہا ہے کہ شہر قائد میں آج دھرنے ختم کروا دیئے جائیں گے، جو نہیں ہٹے گا اسے قانون کے مطابق ہٹائیں گے۔
نجی سوشل میڈیا ویب سائٹ "وی نیوز" کے مطابق کراچی میں میڈیا سے گفتگو کرتے ہوئے ایڈیشنل آئی جی سندھ جاوید عالم اوڈھو نے کہا کہ کراچی میں دھرنے دینے والوں سے بات ہوگئی ہے، دھرنے والوں کی مہربانی کہ بڑی شاہراہوں کو کھول دیا ہے۔
انہوں نے کہا کہ کراچی والوں نے 3 دن بہت بھگتا اب سختی کریں گے، جو نہیں ہٹے گا اسے قانون کے مطابق ہٹائیں گے،احتجاج کے نام پر پورے شہر کو مفلوج کرنا ٹھیک نہیں،ہم رات تک ان سے مذاکرات کرتے رہے ہیں، مذہبی جماعت کے علماءنے بھی کہا ہے کہ سڑک بند نہیں ہونی چاہیے،کسی نے سڑک بند کرنے اور قانون کو ہاتھ میں لینے کی کوشش کی تو بھرپور نمٹیں گے۔