مسلم مخالف وقف ترمیمی بل کے خلاف مسلمانوں کا مختلف بھارتی شہروں میں احتجاج
نئی دہلی (ڈیلی پاکستان آن لائن )بھارت میں انتہا پسند مودی سرکار کی جانب سے پارلیمنٹ سے منظور ہونے والے منتازع وقف ترمیمی بل کے خلاف بھارت کے مختلف شہروں میں مسلمانوں کا احتجاج جاری ہے۔
نجی ٹی وی سمانے بھارتی میڈیا کے حوالے سے بتایا کہ لوک سبھا کے بعد راجیہ سبھا نے بھی وقف ترمیمی بل جمعرات کے روز دیر گئے رات کو پاس کر دیا، دونوں ایوانوں کی منظوری کے بعد اب یہ بل بھارتی صدر کے پاس جائے گا اور ان کی منظوری کے بعد یہ باقاعدہ قانون کی شکل اختیار کرلے گا۔
بھارت کے مختلف شہروں میں بڑی تعداد میں مسلمانوں نے اس کی مخالفت میں احتجاج کیا، مظاہرین نے اس بل کو مسلمانوں کے خلاف ایک سازش قرار دیا۔ لوک سبھا میں اپوزیشن لیڈر راہول گاندھی نے کہا کہ وقف ترمیمی بل کا مقصد مسلمانوں کو پسماندہ کرنا اور ان کے جائیداد کے حقوق کو غصب کرنا ہے۔
مودی سرکار کی مسلم مخالف پالیسیوں کا تسلسل بھارت میں جاری ہے ، جن کی بدولت مسلمانوں کا استحصال کیا جارہا ہے۔
