ایرانی خاتون کا غیراخلاقی احتجاج، پولیس اہلکار گرفتاری میں ہچکچاہٹ کا شکار
تہران (ویب ڈیسک) ایران میں ایک خاتون نے پولیس کی گاڑی پر چڑھ کر غیراخلاقی احتجاج کیا جس کی گرفتاری کے لیے پولیس بھی ہچکچاہٹ کا شکار نظر آئی۔
رپورٹ کے مطابق واقعے کی ایک ویڈیو جو آن لائن شیئر کی گئی ہے، جس میں دکھایا گیا کہ ایک برہنہ خاتون پولیس کی گاڑی پر بیٹھی احتجاج کر رہی ہے، بہت سے لوگوں کا کہنا یہ واقعہ دارالحکومت تہران سے 900 کلومیٹر کے فاصلے پر واقع شہر مشہد میں پیش آیا۔
رپورٹ میں بتایا گیا کہ ایک پولیس افسر ہاتھ میں بندوق اٹھائے خاتون کے احتجا کو روکنے کے لیے ہچکچاہٹ کا شکار دکھائی دیا۔
رپورٹ میں کہا گیا کہ خاتون کے احتجاج کی وجہ معلوم نہ چل سکی تاہم سوشل میڈیا صارفین کا خیال ہے کہ وہ خواتین کے لیے ایران کے لباس کے سخت قوانین کے خلاف احتجاج کر رہی تھی۔
اس واقعے سے قبل گزشتہ برس ایک طالبہ کی فوٹیج آن لائن وائرل ہوئی تھی جس میں اسے تہران کی اسلامی آزاد یونیورسٹی میں زیرجامہ میں چہل قدمی کرتے ہوئے دکھایا گیا تھا۔
