رفتارِ عمر قطعِ رہ اضطراب ہے

رفتارِ عمر قطعِ رہ اضطراب ہے
اس سال کے حساب کو برق آفتاب ہے

مینائے مے ہے سروِ نشاطِ بہار سے
بالِ تدَر و   جلوۂ موجِ شراب ہے

زخمی ہوا ہے پاشنہ پائے ثبات کا
نے بھاگنے کی گوں، نہ اقامت کی تاب ہے

جادادِ بادہ نوشیِ رنداں ہے شش جہت
غافل گماں کرے ہے کہ گیتی خراب ہے

نظارہ کیا حریف ہو اس برقِ حسن کا
جوشِ بہار جلوے کو جس کے نقاب ہے

میں نامراد دل کی تسلّی کو کیا کروں
مانا کہ تیری رخ سے نگہ کامیاب ہے

گزرا اسدؔ مسرّتِ پیغامِ یار سے
قاصد پہ مجھ کو رشکِ سوال و جواب ہے

شاعر: مرزا غالب

raftaar e Umr Qat e Rah e Iztaraab Hay

Iss Saal K Hisaab Ko Barq Aaftaab Hay

Meena Say May Hay Sarv , Nishaat e Bahaar

baal e Tadaro, Jalwaa e Maj e Sharaab Hay

Zakhmi Hua Hay Paashna Paa e Sabaat Ka 

nay Bhagnay Ki Goon, Na Aqaamat Ki Taab Hay

Ja Daad ew Baada Noshi e Rindaan Hay Shash Jihat

Ghafill Gumaan Karay Hay Keh Geeti Kharaan Hay

Nazzaara kaya Hareef Ho Uss barq e Husn Ka

Josh e Bahaar , Jalway Ko Jiss K Naqaab Hay

Main Na Muraad e Dil Ki Tasalli Ko Kaya Karun

Maana Keh Teray Rukh Say Nigah Kaamyaab Hay

Guzra ASAD Musarrat e paighaam e yaar Say

Qaasid Pe Mujh Ko Rashk e Sawaal o Jawaab Hay

Poet: Mirza Ghalib