پشاور: طلبا ءکی شرارتوں سے تنگ استاد پولیس سٹیشن پہنچ گیا، تبادلے کا مطالبہ

پشاور(ڈیلی پاکستان آن لائن )طلبا ءکی شرارتوں سے تنگ استاد نے پولیس میں شکایت درج کرا دی۔
نجی ٹی وی" جیو نیوز "کے مطابق پولیس کی جانب سے بتایا گیا ہے کہ استاد کی جانب سے تھانا یکہ توت میں طلبا کے خلاف درخواست جمع کروائی گئی ہے۔
درخواست میں استاد کا مؤقف ہے کہ طلباءکی شرارتوں کی وجہ سے میں ڈیوٹی نہیں کرپاتا، محکمہ تعلیم میرا تبادلہ کسی اور سکول میں کر دے۔
درخواست پر پولیس کا کہنا تھا کہ طلباءکو سمجھا سکتے ہیں، ان پر سخت کارروائی نہیں کر سکتے۔
پولیس نے طلباء کے والدین کوبلا کر معاملہ حل کرنے کی کوشش کی۔