ابھی تک نقش ہے زینبؓ کا احساں ریگِ صحرا پر۔۔۔

امامت کا نگینہ جلتے خیموں سے اٹھالانا
ابھی تک نقش ہے زینبؓ کا احساں ریگِ صحرا پر

لہو رویا سرِ شبیرؓ نیزے کی بلندی پر
چلا بیمار جس دم پا بجولاں ریگِ صحرا پر

کئے ایسے بھی ساماں حفظِ دیں کے سبطِ احمدؐ نے
کہ لکھا بے زباں کے خوں سے قرآں ریگِ صحرا پر

حسن مقتل سےلائیں ڈھونڈ کر زینبؓ سکینہ کو
بسر یوں بھی ہوئی شامِ غریباں ریگِ صحرا پر

کلام :حسن عسکری کاظمی