سول نافرمانی کی تحریک پر بانی پی ٹی آئی سے مشاورت ہوئی ہے، علی امین گنڈا پور

راولپنڈی(ڈیلی پاکستان آن لائن)وزیراعلیٰ خیبر پختونخوا علی امین گنڈاپور نے کہا ہے کہ ہمارے 200 لوگ لاپتہ تھے، اب لاپتہ لوگوں کی تعداد صرف 54 ہے۔ راولپنڈی میں کمرہ عدالت کے باہر صحافیوں سے گفتگو کرتے ہوئے علی امین گنڈاپور نے کہا کہ سول نافرمانی کی تحریک پر بانی پی ٹی آئی سے مشاورت ہوئی ہے۔ 

انہوں نے کہا کہ شہدا اور زخمیوں کے حوالے سے کابینہ اور صوبائی سطح پر انکوائری کر رہے ہیں۔ جو حالات بن گئے ہیں ایسے میں پاکستان کیلئے سوچنے پر مجبور ہیں۔ انہوں نے کہا کہ امید کرتا ہوں سیاسی جماعتیں غور و فکر کر کے کوئی حل نکالیں گی، حکومت جن کی ہے وہ اشارہ دیں گے تو مثبت رسپانس بھی آجائے گا۔ علی امین گنڈاپور نے کہا میری آفیشل میٹنگز میں گفتگو ہوتی رہتی ہے، میں وہاں بھی بات کرتا ہوں، ہفتہ تک دونوں اطراف سے مثبت پیشرفت کی امید ہے۔