بہاولپور؛ٹول پلازہ پر تیز رفتار ٹریلر کھڑے ٹریلر سے ٹکرا گیا،3افراد جاں بحق
بہاولپور(ڈیلی پاکستان آن لائن) ڈیرہ بکھاٹول پلازہ پر تیز رفتار ٹریلر کھڑے ٹریلر سے ٹکرا گیا،جس کے نتیجے میں 3افراد جاں بحق ہو گئے۔
نجی ٹی وی چینل جیو نیوز کے مطابق بہاولپور میں ڈیرہ بکھا ٹول پلازہ پر تیزرفتار ٹریلر بے قابو ہو کر سڑک کنارے کھڑے ٹریلر سے ٹکرا گیا،حادثے کے بعد ٹریلر میں آگ لگ گئی، حادثے میں 3افراد جاں بحق جبکہ ایک زخمی ہو گیا،لاشوں اور زخمی کو بہاول وکٹوریا ہسپتال منتقل کر دیا گیا۔
