پنجاب میں پہلا پبلک سیکٹر مونٹیسری پروگرام شروع کرنے کافیصلہ،سرکاری سکولوں کے ایک ہزار گراؤنڈ زکی 6ماہ میں تعمیر وبحالی کا ہدف مقرر
لاہور( ڈیلی پاکستان آن لائن ) پنجاب کا پہلا انقلابی ایجوکیشن پروگرام ''،وزیر اعلیٰ مریم نواز نے پنجاب سکول ری آرگنائزیشن پروگرام نے منظور ی دے دی-وزیراعلی نے پنجاب میں پہلا پبلک سیکٹر مونٹیسری پروگرام شروع کرنے کافیصلہ کیاہے-وزیراعلی نے سرکاری سکولوں کے ایک ہزار گراؤنڈ زکی 6ماہ میں تعمیر وبحالی کا ہدف مقرر کر دیا ہے-وزیراعلی نے سرکاری سکولوں میں ہفتہ وار او رماہانہ ”مقابلے“شروع کرنے کا حکم دیا-راجن پور،لیہ، بھکر میں سی ایم پنجاب سکول نیوٹریشن پروگرام پائلٹ پراجیکٹ کا اگست سے آغاز ہوگا-وزیر اعلیٰ نے 14-ہزار اے ای اوز اور ایس ایس ای کی ریگولرلائزیش کا پلان طلب کرلیا - پنجاب بھر میں سہولیات اور ضروریات کا تعین کرنے کے لئے سکولوں کی جامع میپنگ کرنے کی ہدایت کی-گرین سکول پروگرام کے اجراء کا فیصلہ کیا گیا،وزیراعلی نے منظوری دے دی -ہر طالبعلم کم ازکم ایک پودا لگائے گا، ڈیجیٹل میپنگ کی جائے گی-سرکاری سکولوں میں سپوکن انگلش اور کریکٹر بلڈنگ کلاسز شروع کرنے کی تجاویز کاجائزہ لیا گیا-وزیراعلی مریم نواز نے پنجاب بھر میں 603نان فنکشنل سکولوں کی بحالی کی ہدایت کی -وزیراعلی مریم نواز نے سکولوں کی مانیٹرنگ کے لئے ارکان صوبائی اسمبلی کوڈیوٹیاں تفویض کرنے کا حکم دیا ہے-اجلاس میں اساتذہ کے لئے ای ٹرانسفر آسان اور قابل عمل بنانے اورمیٹرک کی سطح پر ٹیکنالوجی کے 12کورسز متعارف کرانے کا جائزہ لیاگیا-کم لاگت میں کلاس روم، آئی ٹی لیب، ایس ایم سی کے ذریعے بنانا ممکن ہوگا-سکول مینجمنٹ کونسلز کو فعال اور موثر بنانے اور سرکاری سکولو ں میں ٹیچر میٹنگ، سہ ماہی سٹوڈنٹ رپورٹ کارڈ کے اجراء پر اتفاق کیاگیا-وزیراعلیٰ نے سکول سسٹم کی ری ویمپنگ کے لئے جامع سکول ایجوکیشن پالیسی تیار کرنے کی ہدایت کی-
وزیراعلیٰ کی زیر صدارت اجلاس میں پبلک سکول ری آرگنائزیشن پروگرام کا جائزہ لیاگیا-اجلاس میں پنجاب کریکولم اینڈ ٹیکسٹ بک بورڈ،قائد اعظم اکیڈمی آف ایجوکیشنل ڈویلپمنٹ اورپنجاب ایگزیمینیشن کمیشن کو یکجا کر کے پیکٹا (PECTAA) قائم کرنے کا فیصلہ کیا گیا-ورچوئل ریلیٹی روم، ٹیک روم، آرٹ روم او ردیگرجدید سہولتیں مہیا کرنے کاجائزہ لیاگیا-وزیراعلی مریم نوازنے کہاکہ سزا اورجزا کے عمل کے بغیر سسٹم میں بہتری نہیں لائی جاسکتی-ایجوکیشن کے لئے فنڈز کی کمی نہیں آنے دی جائے گی-ہر ڈسٹرکٹ میں ارلی چائلڈ ہڈ ایجوکیشن سنٹر آف ایکسی لینس قائم کیاجائے گا-
صوبائی وزیر ایجوکیشن رانا سکندر حیات نے ایجوکیشن ری سٹرکچرنگ پروگرام پر تفصیلی بریفنگ دیتے ہوئے بتایا کہ حلقہ وار سکول مانیٹرنگ سسٹم کے ذریعے نگرانی کا عمل جاری ہے -12اضلاع میں 6ہزار لٹریسی کیمپس میں پونے 2لاکھ آؤٹ آفس سکول بچے زیر تعلیم ہیں -5اگست 2024تک 5863سکولوں کی آؤٹ سورسنگ کا عمل مکمل کر لیا جائے گا-آئندہ 4 سالوں میں 4لاکھ طلباء کو آئی ٹی سکلزکے ذریعے ہنر مند بنایاجائے گا-سینئر صوبائی وزیر مریم اورنگزیب،وزیر اطلاعات عظمیٰ زاہد بخاری، وزیرسکول ایجوکیشن راناسکندر حیات،ایم پی اے نوشین عدنان،ثانیہ عاشق، سیکرٹری ایجوکیشن،پرنسپل سیکرٹری ساجد ظفر ڈال اور دیگر حکام نے شرکت کی-
