شارجہ سے آنے والے مسافر کی لاہور ایئرپورٹ پر تلاشی، ایسی چیز برآمدکہ فوری گرفتار کرنا پڑگیا
لاہور(آئی این پی )لاہور ایئرپورٹ پر کسٹم اہل کاروں نے کارروائی کرتے ہوئے ایک مسافر سے کروڑوں مالیت کے قیمتی موبائل فون برآمد کرلیے اور ملز م کو تحویل میں لے لیا۔
کسٹم حکام کے مطابق شارجہ سے آنے والے مسافر کے سامان کی تلاشی کے دوران 37 آئی فون برآمد ہوئے جن کی مالیت کروڑوں روپے بنتی ہے، مسافر نے یہ فون بیگ میں چھپا رکھے تھے جو تلاشی کے دوران برآمد کئے گئے۔
کسٹم حکام کے مطابق فون ضبط کرکے ملزم کے خلاف کارروائی شروع کر دی گئی ہے۔
