سال 2024میں اداکاروں سمیت اہم شخصیات کی شادیاں 

لاہور(فلم رپورٹر)سال 2024 میں تقریبا ہر ماہ کسی نہ کسی بڑی اہم شخصیت کی شادی ہوئی، تاہم زیادہ تر شادیاں سال کے آغاز اور سال کے اختتام پر ہوئیں۔پاکستان میں عام طور موسم سرما میں شادیاں کی جاتی ہیں اور نومبر سے فروری تک زیادہ تر شادیاں ہوتی ہیں۔دلچسپ بات یہ ہے کہ رواں برس زیادہ تر معروف شخصیات نے دوسری شا دیا ں کیں۔ پاکستان کرکٹ ٹیم کے سابق کپتان شعیب ملک اور اداکارہ ثنا جاوید نے جنوری 2024 میں سے دوسری شادی کی تھی۔ اداکارہ و ماڈل اداکارہ عریشہ رضی خان نے نکاح کے دو سال بعد فروری 2024 میں عبدالصمد سے شادی کی۔اداکارہ، ٹک ٹاکر، اور سوشل میڈیا انفلوئنسر ایمن زمان نے بھی فروری 2024 میں نکاح کرکے نئی زندگی کا آغاز کیا۔ اداکارہ مدیحہ رضوی نے طلاق کے ڈیڑھ سال بعد اپریل 2024 میں خاموشی سے جنید علی پرویز سے دوسری شادی کی۔لاہور میں مشتعل ہجوم کے درمیان خاتون کی جان بچانے والی خاتون پولیس افسراسسٹنٹ سپرنٹنڈنٹ پولیس شہربانو نقوی بھی اپریل 2024 میں شادی کے بندھن میں بندھیں۔ نوجوان اداکار ذوہاب خان نے ساتھی اداکارہ وانیہ ندیم سے مئی 2024 میں نکاح  کیا۔اداکار فیروز خان نے جون میں ڈاکٹر زینب سے دوسری شادی کی۔ نیوز اینکر جنید ظفر نے بھی جون میں شادی کی۔ویڈیو جوکی (وی جے)، ماڈل و ٹی وی میزبان انوشے اشرف نے جولائی 2024 میں خاموشی سے شہاب رضا مرزا سے آن لائن نکاح کیا۔ 

 داکارہ جویریہ عباسی نے شادی کے دو ماہ بعد جولائی 2024 میں تصدیق کی تھی کہ انہوں نے دوسری شادی کر لی۔ معروف سیاسی شخصیت اور میزبان مرحوم عامر لیاقت حسین سے شادی کرکے شہرت حاصل کرنے والی ان کی تیسری بیوہ دانیہ ملک شاہ نے بھی جولائی 2024 میں دوسری شادی کی۔گلوکار و اداکار عمیر جسوال نے ایک ماہ تک دوسری شادی کو خفیہ رکھنے کے بعد نومبر 2024 میں دوسری شادی کا اعتراف کیا۔

  ماڈل و اداکار سکندر رضوی نے نومبر 2024 میں ہسپانوی لڑکی سے شادی کی۔صحافی اور تجزیہ کار ارشاد بھٹی نے پہلی اہلیہ کے انتقال کے دو سال بعد سابق اداکارہ اور سوشل میڈیا انفلوئنسر سما راج سے دسمبر 2024 میں دوسری شادی کی۔