پی ایس ایل، وارنر،ایڈم ملن نے ڈرافٹ کیلئے رجسٹریشن کرالی

 لاہور(سپورٹس رپورٹر)پاکستان سپرلیگ(پی ایس ایل) 10 ڈرافٹ کیلئے غیرملکی کھلاڑیوں کی رجسٹریشن جاری ہے۔ نیوزی لینڈ کے فاسٹ بولر ایڈم ملن نے بھی ڈرافٹ کیلئے رجسٹریشن کرالی۔قبل ازیں آسٹریلیا کے ڈیوڈ وارنر بھی  پہلی بار پاکستان سپر لیگ 2025 کیلئے اپنی دستیابی کا اعلان کرتے ہوئے پلیئرز ڈرافٹ کیلئے رجسٹریشن کرا چکے ہیں، اس کے علاوہ نیوزی لینڈ کے ٹم ساتھی، آسٹریلیا کے ٹیسٹ وکٹ کیپر ایلکس کیری بھی پاکستان سپر لیگ کے دسویں ایڈیشن کیلئے رجسٹریشن کرا چکے ہیں۔ واضح رہے کہ پاکستان سپر لیگ کا پلیئرز ڈرافٹ 11 جنوری کو ہوگا۔ پی ایس ایل کا دسواں ایڈیشن اپریل میں  شروع ہونے کا امکان ہے۔