سب میرین کیبل میں خرابی ، ملک بھر میں انٹر نیٹ خرابی کے مسئلے کا خدشہ

اسلام آباد(ڈیلی پاکستان آن لائن)قطر کے قریب سب میرین کیبل اے اے ای ون میں خرابی پیدا ہوگئی۔پاکستان ٹیلی کمیونیکیشن اتھارٹی (پی ٹی اے) کے مطابق کیبل میں خرابی سے انٹرنیٹ، براڈبینڈ صارفین کو مسائل کا سامنا کرنا پڑسکتا ہے۔پی ٹی اے کا کہنا ہے کہ کیبل پاکستان کو بین الاقوامی انٹرنیٹ ٹریفک سے جوڑنے والی 7 زیر سمندر کیبلز میں سے ایک ہے۔پی ٹی اے کے مطابق ٹیمیں خرابی دور کرنے کی کوشش کر رہی ہیں، صورتحال کی نگرانی کر رہے ہیں۔