بھائیوں نے غیرت کے نام پر بہن اور بہنوئی کو قتل کردیا

لاہور (ڈیلی پاکستان آن لائن) کاہنہ میں بھائیوں نے غیرت کے نام پر بہن اور بہنوئی کو فائرنگ کرکے قتل کردیا۔پولیس کے مطابق دہرے قتل کا واقعہ کاہنہ کے دھلوکی گاؤں میں پیش آیا، مقتولین کی شناخت رفعت بی بی اور محمود کے نام سے ہوئی۔رفعت بی بی نے دو سال قبل محمود نامی نوجوان سے پسند کی شادی کی تھی، بھائیوں نے انہیں دھوکے سے گھر بلایا اور فائرنگ کردی۔ دونوں میاں بیوی موقع پر ہی دم توڑ گئے، جبکہ ملزمان فرار ہو گئے۔پولیس اور فارنزک ٹیموں نے موقع پر پہنچ کر شواہد اکھٹے کرکے لاشیں پوسٹ مارٹم کےلیےہسپتال منتقل کر دیں۔