بزم شاہنشاہ میں اشعار کا دفتر کھلا

بزم شاہنشاہ میں اشعار کا دفتر کھلا

رکھیو یا رب یہ در گنجینۂ گوہر کھلا

شب ہوئی پھر انجم رخشندہ کا منظر کھلا

اس تکلف سے کہ گویا بت کدے کا در کھلا

گرچہ ہوں دیوانہ پر کیوں دوست کا کھاؤں فریب

آستیں میں دشنہ پنہاں ہاتھ میں نشتر کھلا

گو نہ سمجھوں اس کی باتیں گو نہ پاؤں اس کا بھید

پر یہ کیا کم ہے کہ مجھ سے وہ پری پیکر کھلا

ہے خیال حسن میں حسن عمل کا سا خیال

خلد کا اک در ہے میری گور کے اندر کھلا

منہ نہ کھلنے پر ہے وہ عالم کہ دیکھا ہی نہیں

زلف سے بڑھ کر نقاب اس شوخ کے منہ پر کھلا

در پہ رہنے کو کہا اور کہہ کے کیسا پھر گیا

جتنے عرصے میں مرا لپٹا ہوا بستر کھلا

کیوں اندھیری ہے شبِ غم ہے بلاؤں کا نزول

آج ادھر ہی کو رہے گا دیدۂ اختر کھلا

کیا رہوں غربت میں خوش جب ہو حوادث کا یہ حال

نامہ لاتا ہے وطن سے نامہ بر اکثر کھلا

اس کی امت میں ہوں میں میرے رہیں کیوں کام بند

واسطے جس شہ کے غالبؔ گنبد بے در کھلا

شاعر:  مرزا غالب

Bazm  e  Shaahinshah Men Ashaar Ka Daftar Khula

rakhio ya RAB Yeh Dar  e  Gangeena  e  Gohar Khula

Shab Hui Phir Anjuman  e Rakhsinda  e  Gohar Khula

Uss Takalluf Say Keh Goya Butkaday Ka Dar Khula

garche Hun Dewaana Par Kiun Dost Ka Khaaun Faraib

Aasteen Men Dashna Pinhaan Haath Men Nishtar Khula

Go Na Samjhun Uss Ki baaten , Go Na Paaun Uss Ka Bhaid

Par Yeh Kia Kam hay Kwh Mujh Say Wo Pari paikar Khula

Hay Khayaal  e  Husn  Men Husn  e  Amal  Ka Sa Khayaal

Khuld  Ka Ik dar Hay Meri Gor  K Andar Khula

Munh Na Khulnay Par Hay Wo Aalam Keh Dekha Hi Nahen

Zulf Say baeeh Kar Naqaab Uss Shokh K Munh Par Khula

Dar Pe Rehnay Ko Kaha Aor Keh K Kaisa Phir Gia

Jitnay Arsay Men Mira Lipta Hua Bistar Khula

Kiun Andhairi Hay Shab  e  Gham hay balaaon Ka Nuzool

Aaj Udhar Ko Hi   Rahay Ga Deeda  e  Akhtar Khula

Kia Rahun Ghurbat Men Khush Jab Ho Hawaadis Ka Yeh Haal

Naama Bar Laat Hay Watan Say Naama Bar  Aksar Khula

Uss Ki Ummat Men Hun Main , Meray Rahen Kiun Kaam Band

Waastay Jiss SHEH K GHALIB Gunbad   e   Bedar Khula

Poet: Mirza Ghalib