فرض کی منزل سے ایساکارواں گزرا نہیں۔۔۔

السلام اے  قوتِ بازوئے سبطِ مصطفےٰؐ
اے شہِ ملکِ وفا آرامِ جانِ مرتضےٰؑ
منفرد اعزاز کا حامل ترا ہر نقشِ پا
تو فراتِ عظمتِ انساں پہ ہے پرچم کشا

یوں عقیدت کے دریچے میں سجا چہرہ ترا
کشتیِ دل کو بہا لیجا ئےگا دریا  ترا

آئینہ ہے تو جلالِ حیدرؑ کرار کا
معترف ہے دشمنِ جاں بھی ترے کردار کا
سینہ توڑا ضرب سے فولاد کی دیوار کا
مشک بھر کر لےچلا ایسا دھنی تلوار کا

پھر زمانے میں کوئی ایسا جری دیکھا نہیں
فرض کی منزل سے ایساکارواں گزرا نہیں

کلام :حسن عسکری کاظمی