پی ٹی آئی ایم این ایز کو پنجاب ہاؤس میں جبری حراست میں رکھنے کے الزام میں درخواست پر سماعت پیر تک ملتوی

اسلام آباد(ڈیلی پاکستان آن لائن)اسلام آباد ہائیکورٹ نے پی ٹی آئی ایم این ایز کو پنجاب ہاؤس میں جبری حراست میں رکھنے کے الزام میں بیرسٹر گوہر کی درخواست پر جواب طلب کرتے ہوئے سماعت پیر تک ملتوی کردی۔

نجی ٹی وی چینل "دنیا نیوز" کے مطابق پی ٹی آئی ایم این ایز کو پنجاب ہاؤس میں جبری حراست میں رکھنے کا الزام  میں بیرسٹر گوہر کی درخواست پر سماعت ہوئی،چیف جسٹس اسلام آباد  ہائیکورٹ عامر فاروق نے درخواست پر سماعت کی۔

آئی جی اسلام آباد پولیس علی ناصر رضوی عدالت میں پیش  ہوئے۔آئی جی اسلام آباد نے کہاکہ متعلقہ ڈی پی اوز سے رابطہ کرکے معلومات لیں،ڈی پی اوز کے مطابق 3ارکان  اسمبلی اپنے گھر میں ہیں،رکن اسمبلی اورنگزیب کچھی، عثمان علی اور ظہور قریشی اپنے گھر پر ہیں،ایک رکن قومی اسمبلی ریاض خان بیرون ملک ہیں،متعلقہ ڈی پی اوز کو خطوط لکھ گئے، آفیشل جواب کا انتظار ہے۔

چیف جسٹس عامر فاروق نے کہاکہ پیر کیلئے کیس رکھ لیتے ہیں۔

عدالت نے جواب طلب کرتے ہوئے سماعت پیر تک ملتوی کردی۔