لاہورسمیت پنجاب کے مختلف اضلاع میں بارش
لاہور(ڈیلی پاکستان آن لائن)صوبائی دارالحکومت لاہورسمیت پنجاب کے مختلف اضلاع میں ہلکی بارش کا سلسلہ جاری ہے جس کے باعث خشکی میں کمی سے موسم خوشگوار ہوگیا ہے۔
نجی ٹی وی چینل ایکسپریس نیوز کے مطابق محکمہ موسمیات نے کہا کہ لاہور میں آج دن بھر وقفے وقفے سے ہلکی بارش جاری رہے گی اور ہلکی بارش کا یہ سلسلہ رات گئے تک چلتا رہے گا۔ محکمہ موسمیات نے کہا کہ بارش کا سلسلہ آج رات گئے ختم ہو جائے گا لیکن دھند بڑھ جائے گی، کل صبح اور رات کے اوقات میں دھند ہوگی۔
دوسری جانب لاہور میں بوندا باندی کے ساتھ ہی واسا حکام بھی متحرک ہوگئے، وائس چیئرمین واسا چوہدری شہباز احمد اور ایم ڈی غفران احمد کی جانب سے تمام ڈسپوزل سٹیشنز کی صفائی یقینی بنانے کے احکامات دیئے۔ایم ڈی واسا نے شاہراہوں اور انڈر پاسز کو کلیئر رکھنے کے لیے فیلڈ ٹیموں کو متحرک رہنے کی ہدایت دی۔
