زلزلے کے جھٹکے
بارکھان ( ڈیلی پاکستان آن لائن )بلوچستان کے ضلع بار کھان میں رات گئے زلزلے کے جھٹکے محسوس کیے گئے۔
زلزلہ پیما مرکز کے مطابق زلزلے کی شدت 3.9 اور گہرائی 12 کلومیٹر زیرِ زمین ریکارڈ ہوئی ہے۔ زلزلے کا مرکز بارکھان سے 59 کلو میٹر شمال مغرب میں تھا۔
"جنگ " کے مطابق زلزلے کے جھٹکے محسوس ہوتے ہی لوگ گھبرا کر کلمۂ طیبہ کا ورد کرتے ہوئے گھروں سے باہر کھلے علاقوں میں نکل آئے۔ کسی قسم کے جانی و مالی نقصان کی کوئی اطلاع نہیں ملی ۔
