ٹیرف کی زد میں آنیوالے ممالک انتقامی کارروائی سے گریزکریں: امریکی وزیر خزانہ کی وارننگ
واشنگٹن(ڈیلی پاکستان آن لائن )امریکی وزیر خزانہ سکاٹ بیسینٹ نے کہا ہے کہ ٹیرف عائدکئے جانے کے خلاف ممالک انتقامی کارروائی سے گریزکریں۔
نجی ٹی وی جیو نیوز کے مطابق سکاٹ بیسینٹ نے دنیا کو خبردار کرتے ہوئے کہا کہ ٹیرف عائدکئے جانے کے خلاف ممالک انتقامی کارروائی سے گریزکریں۔
سکاٹ بیسینٹ نے مزید کہا کہ میرا ہر ملک کو مشورہ ہے کہ جوابی کارروائی نہ کریں کیونکہ امریکی ٹیرف کے خلاف جوابی کارروائی سے کشیدگی بڑھے گی۔
واضح رہے کہ امریکی صدر ٹرمپ نے پاکستان سمیت دنیا کے مختلف ممالک پر جوابی ٹیرف عائد کرنے کا اعلان کیا ہے جس پر دنیا کے مختلف ممالک کی جانب سے ردعمل آنے کا سلسلہ جاری ہے۔
امریکی ٹیرف پر کینیڈا نے جوابی اقدامات کا اعلان کیا اور چین نے امریکا سے نئے ٹیرف منسوخ کرنے کا مطالبہ کیا ہے۔
اس معاملے پر سابق پاکستانی سفیر ملیحہ لودھی نے کہا کہ امریکا میں پاکستانی مصنوعات پر ٹیکس تو ہمیشہ سے تھا، مزید ٹیرف بڑھنے سے پاکستانی مصنوعات امریکا میں مہنگی ہو جائیں گی۔
