کوئی امّید بر نہیں آتی

کوئی امّید بر نہیں آتی
کوئی امّید بر نہیں آتی

  

کوئی امّید بر نہیں آتی

کوئی صورت نظر نہیں آتی

موت کا ایک دن معین ہے

نیند کیوں رات بھر نہیں آتی؟

آگے آتی تھی حال دل پہ ہنسی

اب کسی بات پر نہیں آتی

جانتا ہوں ثوابِ طاعت و زہد

پر طبعیت ادھر نہیں آتی

ہے کچھ ایسی ہی بات جو چپ ہوں

ورنہ کیا بات کر نہیں آتی

کیوں نہ چیخوں کہ یاد کرتے ہیں

میری آواز گر نہیں آتی

داغِ دل گر نظر نہیں آتا

بو بھی اے چارہ گر نہیں آتی

ہم وہاں ہیں جہاں سے ہم کو بھی

کچھ ہماری خبر نہیں آتی

مرتے ہیں آرزو میں مرنے کی

موت آتی ہے پر نہیں آتی

کعبے کس منہ سے جاؤ گے غالبؔ

شرم تم کو مگر نہیں آتی

شاعر:مرزاغالب

Koi Umeed Bar Nahen Aati

Koi Soorat Nazar Nahen Aati

Maot Ka Ik Din Muayyan Hay

Neend Kiun Raat Bhar Nahen Aati

Aagay Aati Thi Haal e Dil Pe Hansi

Ab Kisi Baat Par Nahen Aati

Jaanta Hun Sawaab e Taat o Zohod

Par Tabeeat Idhar Nahen Aati

Hay Kuch Aisi Hi Baat Jo Chup Hun

Warna Kaya Baat Kar Nahen Aati

Kiun Na Cheekun Keh Yaad Kartay Hen

Meri Awaaz Gar Nahen Aati

Daagh e Dil Gar Nazar Nahen Aata

Boo Bhi Ay Chaara Gar Nahen Aati

Ham Wahaan Hen Jahan Say Ham Ko Bhi

Kuch Hamaari Khabar Nahen Aati

Martay Hen Aarzu Men Marnay Ki

Maot Aati Hay Par Nahen Aati

Poet: Mirza Ghalib

مزید :

شاعری -رومانوی شاعری -غمگین شاعری -