"14 برقعہ پوش دہشتگردوں نے بھاری اسلحے کے ساتھ حملہ کیا،کئی دھماکے ہوئے " بنوں میں دہشتگردی واقعے کا مقدمہ درج

بنوں ( ڈیلی پاکستان آن لائن )"14 برقعہ پوش دہشتگردوں نے بھاری اسلحے کے ساتھ حملہ کیا،کئی دھماکے ہوئے " بنوں میں دہشتگردی واقعے کا مقدمہ درج  کر لیا گیا ۔

تفصیلات کے مطابق بنوں کے تھانہ کاؤنٹر ٹیررازم ڈیپارٹمنٹ (سی ٹی ڈی) میں بنوں دہشتگردی واقعے کا مقدمہ درج کرلیا گیا۔ایف آئی آر کے مطابق 14 برقعہ پوش دہشت گردوں نے بھاری اسلحے کے ساتھ حملہ کیا، جس کے نتیجے میں کئی دھماکے ہوئے۔ دھماکوں سے قریبی گھر مہندم ہوگئے، جس سے متعدد افراد زخمی اور شہید ہوئے۔پولیس، ریسکیو اور مقامی افراد نے زخمیوں اور شہداء کو ہسپتال منتقل کیا جبکہ قانون نافذ کرنے والے اداروں نے علاقے کو گھیرے میں لے کر تحقیقات شروع کردی ہیں۔

"جنگ " کے مطابق مقدمہ تھانہ صدر بنوں کے ایس ایچ او وسیم سجاد خان کی مدعیت میں درج کیا گیا، جس میں دہشت گردی کی دفعات شامل کی گئی ہیں۔