عامر لیاقت کی اچانک موت کے بعد اداکارہ اشنا شاہ سوشل میڈ یا صارفین پر برہم
کراچی (ڈیلی پاکستان آن لائن)پاکستانی اداکارہ اشنا شاہ کا عامر لیاقت حسین کی اچانک موت پر اظہار افسوس کرتے ہوئے انہوں نے سوشل میڈیا صارفین پر شیدید غم و غصے کا اظہار کیا۔
سماجی رابطے کی سائٹ ٹویٹر پر اشنا شاہ نے عامر لیاقت کے انتقال کے حوالے سے پیغام لکھا کہ 'انہوں نے ہمیں تفریح کا سامان مہیا کیا جسے ہم نے دیکھا اور ہم ہنسے، مجھے امید ہے کہ وہ اب سکون میں ہوں گے،اللہ پاک ہمیں ہمارے ہنسنے پر معاف فرمائے'۔
He gave us a show. We watched. We laughed. I hope he is resting now and finally at peace.
— Ushna Shah (@ushnashah) June 9, 2022
May Allah forgive us for laughing.
Inalilahewainaelerajiun
واضح رہے کہ گزشتہ روز اپنی ایک اور ٹوئٹ میں اداکارہ نے عامر لیاقت کی تیسری بیوی کو تنقید کرتے ہوئے سخت الفاظ کا استعمال کیا اور لکھا کہ 'انہیں ایک عورت نے عوامی طور پر برہنہ کر دیا تھا جس سے انہوں نے قانونی طور پر شادی کی تھی'۔انہوں نے مزید لکھا کہ 'جس کسی نے ان کی ویڈیوز شیئر کیں، ان پر ہنسا، ان ویڈیوز کو دیکھا، ان سب کے ہاتھ پر عامر لیاقت کا خون ہے، ہمارے ہاتھوں پر عامر لیاقت کا خون ہے'۔
He was stripped naked in public by a woman he legally married. He died humiliated. Anyone who shared those videos, joked about them, laughed at them or even looked at them has his blood on their hands. We have his blood on our hands.
— Ushna Shah (@ushnashah) June 9, 2022
یاد رہے کہ ٹی وی میزبان اور ایم این اے عامر لیاقت دو روز قبل اپنے کمرے میں بے ہوش پائے گئے، ملازمین کی اطلاع پر عامر لیاقت کو ہسپتال منتقل کیا گیا جہاں ان کی موت کی تصدیق کی گئی۔
