عید پر زیادہ کرایہ وصول کرنے کیخلاف  کریک ڈاؤن کا حکم آ گیا ،سخت قانونی کارروائی کی جائے گی

لاہور( ڈیلی پاکستان آن لائن )عید پر عوام کو ریلیف،وزیراعلیٰ پنجاب مریم نواز نے عید پرمقررہ سے زیادہ کرایہ وصول کرنے پر کریک ڈاؤن کا حکم دیاہے اور عید پرزائد کرائے وصول کرنے پرسخت قانونی کارروائی کرنے کی ہدایت کی ہے-

 وزیراعلیٰ مریم نواز نے تمام اضلاع میں مقررہ کرایوں پر عملدرآمد یقینی بنانے کے لیے ضروری اقدامات کا حکم دیاہے، ڈپٹی کمشنرز کو زائدکرایوں کی وصولی روکنے کے لیے کڑی مانیٹرنگ کی ہدایت کی گئی ہے-وزیراعلیٰ پنجاب نے تمام بس سٹینڈز پر کرایہ نامے نمایاں آویزاں کرنے کی ہدایت کی ہے اور اس کے ساتھ ساتھ تمام بس سٹینڈز پر صفائی ستھرائی کا حکم دیا- وزیراعلی مریم نواز نے بس سٹینڈز کی انتظار گاہوں پر بیٹھنے کے مناسب انتظام اور پنکھے کی موجودگی یقینی بنانے کا حکم دیا انہوں نے عوام کو ریلیف دینے کے لئے محکمہ ٹرانسپورٹ اوردیگر متعلقہ حکام کو فیلڈ میں چیکنگ ڈیوٹی کی ہدایت کی ہے-

 وزیراعلیٰ مریم نواز نے کہاکہ عید کے موقع پر گھر کو لوٹنے والے غریب مسافروں کے استحصال کی اجازت نہیں دی جائے گی۔ہر بس سٹینڈز پر کرائے نامے نمایاں آویزاں کرکے عملدرآمد یقینی بنایا جائے۔ مسافروں سے زائد کرایہ وصول کرنے والوں کے خلاف فوری قانونی کارروائی کی جائے۔