محبت ایک راز ہے | ادا جعفری |

محبت

محبت ایک راز ہے
وہ راز، روح میں رہے جو حسن بن کے جلوہ گر
نگاہ جس کی دید کی نہ تاب لائے عمر بھر
شعور سے بلند تر
محبت ایک راز ہے!

محبت ایک نازہے
وہ ناز جو حیات کو نشاطِ جاوداں کرے
زمیں کے رہنے والوں کو جو عرش آشیاں کرے
یہ فرقِ ایں وآں کرے
محبت ایک ناز ہے

محبت ایک خواب ہے
وہ خواب جس کی سر خوشی پہ جنتیں نثار ہوں
فسانہ ساز زندگی کی عشرتیں نثار ہوں
حقیقتیں نثار ہوں
محبت ایک خواب ہے

محبت اک گناہ ہے!
لٹے نہ کاروانِ بو ، رہے جو غنچہ میں نہاں
صدف سے باہر آکے پھر گُہر کی آبرو کہاں
ہوئی جو محرمِ زُباں
محبت اک گناہ ہے!

محبت اک نگار ہے!
تمام صدق و سادگی، تمام حسن و کافری
تمام شورش و خلش، مگر بطرزِ دلبری
شکست جس کی برتری
محبت اک نگار ہے

شاعرہ :ادا جعفری

(شعری مجموعہ:میں ساز ڈھونڈتی رہی،سالِ اشاعت1982)  

Muhabbat

Muhabbat    Aik      Raaz     Hay

Wo    Raaz   ,   Rooh    Men   Rahay   Jo   Husn   Ban   K    Jalwa    Gar

Nigaah    Jis    Ki   Deed   Ki   Na Taab   Laaey   Umr   Bhar

Shaoor    Say    Buland   Tar

Muhabbat    Aik    Raaz    Hay

Muhabbat    Aik    Naaz    Hay

Wo    Naaz    Jo    Hayaat    Ko    Nishaat -e- Jawdaan    Karay 

Zameen    K    Rehnay    Waalon    Ko    Jo    Arsh    Ashyaan   Karay

Yeh    Farq    Een    Waan   Karay

Muhabbat    Aik    Naaz    Hay

Muhabbat    Aik    Khaab    Hay

Wo    Khaab     Jiss    Ki     SarKhusi      Pe     Jannaten    Nisaar    Hon

Fasaana    Saaz     Zindagi    Ki    Eshraten    Nisaar   Hon

Haqeeqaten    Nisaar    Hon

Muhabbat    Aik     Khaab    Hay

Muhabbat    Aik    Gunaah    Hay

Lutay    Na     kaarwaan -e - Bu   ,    Rahay    Jo   Ghuncha    Men    Nihaan

Sadaf     Say    Baahar    Aa    K    Phir    Gohar   Ki    Aabru    Kahan

Hui    Jo   Mahram- e-Zubaan

Muhabbat     ik    Gunaah     Haay

Muhabbat    Ik    Nigaar    Hay

Tamaan    Sidq - o- Saadgi   ,    Tamaam    Husn- o-  Kaafri

Tamaam     Shorish -o- Khalish   ,   Magar     Ba    Tarz -e-Dilbari

Shikast    Jiss    Ki    Bartari

Muhabbat    Ik   Nigaar    Hay

Poetess: Ada    Jafri