سیریز میں 3 بار صفر پر آؤٹ ہوکر حسن نواز نے ریکارڈ بناڈالا
ویلنگٹن(ڈیلی پاکستان آن لائن)قومی ٹیم کے نوجوان اوپنر حسن نواز نے نیوزی لینڈ کیخلاف سیریز کے پانچویں ٹی20 میچ میں صفر پر آؤٹ ہوکر ناپسندیدہ ریکارڈ اپنے نام کرلیا۔
ویلنگٹن میں کھیلے جارہے میچ میں قومی ٹیم کے اوپنر حسن نواز نے ایک ہی ٹی20 سیریز میں تیسری بار صفر پر آؤٹ ہوکر ناپسندیدہ ریکارڈ بنایا۔
حسن نواز نے نیوزی لینڈ کیخلاف 16 مارچ کو اپنا ڈیبیو کیا لیکن صفر پر پویلین لوٹے، بعدازاں دوسرے ٹی20 میں بھی یہی نتیجہ رہا تاہم تیسرے میچ میں بیٹر نے سینچری جڑ کر سب کو حیران کردیا۔
سیریز کے چوتھے میچ میں حسن نواز ایک اور پانچویں اور آخری میچ میں پھر صفر پر پویلین روانہ ہوئے، اس طرح وہ ایک سیریز میں بطور پاکستانی اوپنر صفر پر آؤٹ ہونے والے کھلاڑی بنے۔
ٹی20 سیریز میں پاکستانی اوپنر کی جانب سے سب سے زیادہ صفر پر آؤٹ ہونے والوں کی فہرست:
3 - حسن نواز (5 اننگز)
2 - شاہ زیب حسن (2 اننگز)
2 - محمد حفیظ (3 اننگز)
2 - محمد رضوان (4 اننگز)
