پنجاب پبلک سروس کمیشن نے مختلف محکمہ جات کے تحریری اور حتمی نتائج کا اعلان کر دیا
لاہور ( ڈیلی پاکستان آن لائن )پنجاب پبلک سروس کمیشن نے مختلف محکمہ جات کے تحریری اور حتمی نتائج کا اعلان کر دیا ۔
تفصیلات کے مطابق پنجاب پبلک سروس کمیشن نے حکومت پنجاب کے مختلف محکمہ جات کے تحریری اور حتمی نتائج کا اعلان کیا ہے پنجاب پبلک سروس کمیشن کے مطابق فارسٹری وائلڈ لائف اینڈ فشریز ڈیپارٹمنٹ میں اسسٹنٹ ڈائریکٹر کی 09 اسامیوں پر 45 امیدواروں نے تحریری امتحان میں کامیابی حاصل کی ہے اسی طرح پنجاب پبلک سروس کمیشن نے 4محکمہ جات کی مختلف اسامیوں کے حتمی نتائج کا بھی اعلان کیا ہے جس میں پنجاب سپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ میں اسسٹنٹ پروفیسر پیڈیاٹرک میڈیسن کے لیے 22 امیدوار کامیاب ہوئے ہیں جبکہ انوائرمنٹ پروٹیکشن اینڈ کلائمٹ چینج ڈیپارٹمنٹ میں ڈیپٹی ڈائریکٹر کی اسامی پر ایک امیدوار کامیاب ہوا ہے. اسی طرح پرائمری اینڈ سیکنڈری ہیلتھ کیئر ڈیپارٹمنٹ میں کنسلٹنٹ پیتھولوجسٹ کے لیے50 امیدوار کامیاب ہوئے ہیں 4 اسامیاں موضوع امیدواروں کی عدم دستیابی کی وجہ سے خالی رہیں اسی طرح لیبر اینڈ ہیومن ریسورس ڈیپارٹمنٹ میں کنسلٹنٹ نفرالوجسٹ کی 05 اسامیوں پر 2 امیدوار کامیاب ہوئے ہیں جبکہ 3 اسامیاں موضوع امیدواروں کی عدم دستیابی کی وجہ سے خالی رہی.
سیکرٹری پنجاب پبلک سروس کمیشن افضال احمد کی جانب سے کامیاب امیدواروں کا نوٹیفکیشن جاری کر دیا گیا ہے. پی پی ایس سی نے کامیاب امیدواروں کی فہرستیں اپنی ویب سائٹ پر بھی آویزاں کر دی ہے.
