دل کے دورے کا شکار ہونے کے بعد بنگلہ دیشی کرکٹر تمیم اقبال نے سوشل میڈیا پر پہلا پیغام کیا دیا؟

ڈھاکا (ڈیلی پاکستان آن لائن )دل کے دورے سے جانبر ہونے کے بعد بنگلہ دیشی کرکٹ ٹیم کے سابق کپتان تمیم اقبال نے فیس بک پر ایک جذباتی پیغام شیئر کیا ہے، جس میں انہوں نے زندگی کی بے ثباتی کو تسلیم کرتے ہوئے اپنے اردگرد موجود ناقابل یقین لوگوں کا شکریہ ادا کیا ہے۔
سوشل میڈیا ویب سائٹ وی نیوز کے مطابق بائیں ہاتھ کے 36 سالہ بلے باز نے سوشل میڈیا پر اپنے جذباتی پیغام کو دنیا کے ساتھ شیئر کرتے ہوئے ان تمام لوگوں کا تہہ دل سے شکریہ ادا کیا جو ان کے مشکل وقت میں ان کے ساتھ کھڑے رہے۔
36 سالہ تمیم اقبال گزشتہ پیر کو بنگلہ دیش پریمیئر لیگ میں محمڈن سپورٹنگ کلب کی کپتانی کر رہے تھے جب انہیں گراو¿نڈ پر دل کا شدید دورہ پڑا تھا، ابتدائی طبی امداد ملنے کے باوجود اس کی حالت مزید بگڑ گئی، جس سے اسے مزید ٹیسٹوں کے لئے ساور کے شیخ فضل النسا مجیب میموریل کے پی جے سپیشلائزڈ ہسپتال منتقل کیا گیا۔
ماہر امراض قلب ڈاکٹر منیر الزمان معروف نے کامیاب ہنگامی سٹنٹ سرجری کی، جس کے بعد تمیم کی حالت بہتر ہوئی، تمیم کو دوپہر تک ہوش آیا اور وہ اپنے اہل خانہ سے بات کرنے کے قابل تھے۔